२४ भदौ २०७६, काठमाडौँ
भद्रगोल बाट सर्वाधिक सफलता प्राप्त गरेका कलाकार कुमार कट्टेल (जिग्री) र अर्जुन घिमिरे (पाडे) ले अब नयाँ टेलिसिरियल ल्याउने भएका छन् ।
भद्रगोल को नयाँ श्रृङ्खलाबाट बाहिरिए सँगै भद्रगोल को पुरानो टिमले नै नयाँ टेलिसिरियल ल्याउन लागेको हो ।
एकपटक दर्शकले भद्रगोल को टिमलाई पुनः देख्न पाउने भएका छन् । भद्रगोल को पुरानो टिमले ल्याउन लागेको नयाँ टेलिसिरियलको नाम भने अहिले नै खुलाइएको छैन ।
केहीदिन पछि पत्रकार सम्मेलन गरेर टेलिसिरियलको नाम खुलाउने जानकारी प्राप्त भएको छ । यस्तै यो शो असोज २ गतेबाट नेपाल टेलिभिजनबाट नै प्रशारण हुने भएको छ ।
