भनिन्छ नि श्रीमान श्रीमती एक सिक्काको दुई पाटा हुन्, भनेर तर सवैमा यो उखान टुक्का या भनाई लागु नहुने रहेछ, सवैको जिवनमा कहाँ श्रीमानको मायाँ र साथ मिल्दो रहेछ र ? हो यस्तै घटना घटेको छ भारतको हरियाणा राज्यमा आफ्नै श्रीमानले ३५ वर्षीया पत्नीलाई विगत डेढ वर्षदेखि ट्वाइलेटमा बन्द गरेर राखेको त्यहाँको अधिकारीहरुले जनाएका छन् ।
हरियाणा राज्यको पानिपत जिल्लामा रहेको ऋशपुर गाउँम अमानवीय अवस्थामा राखिएकी ती महिलालाई जिल्लाकोक महिता तथा बाल कल्याण विभागका अधिकारीले बुधबार उद्दार गरेको हिन्दूस्तान टाइम्सले जनाएको छ ।
महिलालाई अमानवीय अवस्थामा बन्धक बनाएर राखिएको सूचना पाएपछि जिल्ला महिला संरक्षका अधिकारी रजनी गुप्ता प्रहरीको साथमा उद्धारका लागि पुगेकी थिइन् ।
उनी कमजोर र हिँड्न नसक्ने अवस्था थिइन्, उनले हामीले दिएपछि ८ वटा चपाती खाइन गुप्ताले भनिन् । पीडित महिलाका ३ सन्तान छन् । उद्धार गरिए लगत्तै ती महिलालाई नागरिक अस्पताल लिएको थियो । अहिले उनलाई भतिजको जिम्मामा छोडिएको छ ।
ती महिलाले १७ वर्ष अगाडि नरेश कुमार नाम गरेको पुरुषसँग विवाह गरेकी थिइन । जसबाट उनका १५ वर्षीय एक छोरी र ११ र १३ वर्षका दूई छोरा छन् ।
महिलाका पति कुमारले श्रीमतीको मानसिक अवस्था ठिक नभएको दाबी गरेका छन् । यध्यपी परोपकार विभागका अधिकारीले भने पीडित महिलाले परिवारका सबै सदस्यलाई चिनेको र उद्धार टोलीले सोधेका प्रश्नहरुको उत्तर दिएका बताए ।
उनका पतिले ती महिलाको मानसिक स्वास्थ्यको उपचार गरिएको पुष्टि गर्ने सो सम्बन्धी कुनै कागजपत्र पेस गर्न सकेनन्, गुप्ताले भनिन् ।
प्रशासनले महिलाका पति नरेश कुमारलाई अनुसन्धानका लागि न्यायिक हिरासतमा लिएको छ । उनी विरुद्ध भारतीय दण्ड संहिता अन्र्तरगत मुद्धा तयारी प्रहरीले गरेको छ ।
