२२ चैत्र २०७६, काठमाडौँ
ऋतिक रोशनले सामाजिक सञ्जालमा उनको पिताले जिम गरिरहेको भिडियो सेयर गर्दै सबैमा कामप्रति यत्तिकै डिटरमिनेशन हुन आवश्यक भएको बताएका छन् । ऋतिकका पिता राकेश रोशन यहि बर्ष ७१ बर्षका हुदैँछन् ।
तर अझैपनि उनी दिनमा २ घण्टा कसरत गर्ने गर्छन् । जसका कारण उनी सधैँ नै फूर्तिलो देखिने गरेका छन् ।
आफ्ना पिताको भिडियो अपलोड गर्दै लेखेका छन्, ‘मेरो बुबा कहिल्यै हार मान्नुहुन्न, यस्तो बेला हामीलाई पनि यस्तै दृढ संकल्पको आबश्यकता छ’ । ‘यहि बर्ष उहाँ ७१ बर्षको पुग्नुहुन्छ र अझपनि उहाँ दिनको दुई घण्टा कसरत गर्नुहुन्छ । गएको बर्ष उहाँले क्यान्सरलाई पनि जित्नु भएको थियो । मलाई लाग्छ कि भाइरस उहाँ संग डराउनु पर्छ, धेरै डराउनु पर्छ ।’
ऋतिकले अपलोड गरेको उक्त भिडियोलाई उनका फ्यानले निकै रुचाएका छन् र ऋतिकका पिताको तारिफ पनि गरिरहेका छन् । हाल ऋतिक क्वारेन्टाइनको समय आफ्नो परिवारसँग बिताइरहेका छन् । उनीसँग उनकी पूर्वपत्नी सुजैन पनि सँगै छिन् ।
