२३ भदौ २०७६, काठमाडौं
नेपाली काँग्रेस अछाम–काठमाडौं सम्पर्क समितिले राजधानीमा आयोजना गरेको एक कार्यक्रममा काँग्रेस सभापति शेरबहादुर देउवाले आफ्नै पत्नी डा. आरजु देउवा राणालाई दोसल्ला ओढाएर सम्मान गरेका छन् ।
यस अवसरलाई कतिपयले सभापति देउवाको चाकडीका लागि श्रीमानलाई प्रमुख अतिथि र श्रीमतीलाई सम्मानित ब्यक्ति बनाएको आरोप लगाएका छन् ।
समितिले डा. आरजुलाई समाजसेवीका रुपमा उक्त सम्पर्क समितिले ‘द्धारिकादेवी ठकुरानी स्मृति’ सम्मानबाट सम्मान गरेको हो ।
दक्षिण एसियाकै पहिलो महिला मन्त्री ठकुरानीको स्मृतिमा लोकतन्त्र र समाज सेवामा योगदान गर्ने व्यक्तिलाई उक्त समितिले सम्मान दिने गरेको र यो पटक त्यो सम्मान आरजुलाई प्रदान गरिएको उक्त समितिले जनाएको छ ।
