१८ माघ २०७५, काठमाडौँ
मिस नेपाल २०१८ को उपाधी जित्दै मिस वर्ल्ड २०१८ को उत्कृष्ट १२ मा पर्न सफल श्रृङ्खला खतिवडा अहिले सर्वाधिक चर्चित छिन् । सम्भवत मिस नेपालको इतिहासमा यतिधेरै चर्चा पाउने उनी पहिलो मिस नेपाल हुन् । श्रृङ्खला सामाजिक कार्यमा पनि सक्रिय छिन् ।
Missosology.com ले २०१८ का विश्वभरका सबैभन्दा राम्री महिलाको सुची निकालेको छ । टप २० मा उल्लेख गरिएको संसारकै सबभन्दा राम्री महिलामा यो बर्ष नेपालको नाम पनि पर्न सफल भएको छ । विश्व सुन्दरी २०१८ मा भिड्न गएका महिलाहरुलाई आधारित बनाइएर निकालिएको सुचीमा नेपालले ११ औँ स्थान प्राप्त गर्न सफल भएको छ ।
नेपालकी श्रृङ्खला खतिवडाको नाम विश्वका सबैभन्दा राम्री सुन्दरीको ११ औँ स्थानमा आउनु भनेको नेपालको लागि पनि गौरवको कुरा हो । पहिलो स्थानमा भने भेनेजुएलाकी सुन्दरी पर्न सफल भएकी छिन् ।
