२४ पौष २०७५, काठमाडौं
पूर्वाञ्चल साहित्य प्रतिष्ठान विराटनगरबाट प्रदान गरिने यस वर्षको ‘सुदीश निरौला स्मृति साहित्य पुरस्कार’ बाट युवा समालोचक, अनुवादक, कवि तथा आख्यानकार महेश पौडेल पुरस्कृत हुने भएका छन् ।
पौडेलका विविध विधा र अनुवादका तीनदर्जन भन्दा बढी कृति प्रकाशित छन् । सुदीश निरौला ट्रस्टका तर्फबाट टेकमाया निरौला संस्थापक रहेका सो पुरस्कारको राशि १५००० को साथमा प्रमाणपत्र रहेको छ । दिवंगत छोरा सुदीशका नाममा निरौला परिवारबाट यो पुरस्कार संस्थापन गरिएको हो ।
प्रतिष्ठानका अध्यक्ष प्राज्ञ विवश पोखरेलको अध्यक्षतामा केही दिनअगाडी बसेको बैठककले सो निर्णय गरेको हो । यसै वर्षदेखि प्रदान गरिने यो पुरस्कार आगामी माघ ६ गते विराटनगरमा हुने बताईएको छ ।
