०५ पुस २०७५, काठमाडौं
बूढानीलकण्ठ नगरपालिका वडा नं. ११ कपन स्थित गुरुङ टोलमा कपन प्रहरी प्रभागको टोलीले विक्रि वितरणका लागि राखिएको १०१ थान लागू औषध बरामद गरेको छ ।
गोप्य सूचनाको आधारमा मकवानपुर हेटौंडा स्थायी घर भएका भुवन श्रेष्ठलाई प्रहरीले शंकास्पद अवस्थामा फेला पारी निजको डेरा गुरुङटोलमा छापा मार्दा उक्त परिणाममा लागू औषध फेला पारेको थियो ।
लागूऔषध प्रयोगकर्ता तथा कारोवारी श्रेष्ठको कोठाबाट फेनार्गन एम्पुल ३३ थान, डाईजेल्याप एम्पुल ३४ थान, नुफिन एम्पुल ३४ थान र मोटोरोला मोबाईल १ थान बरामद गरिएको कपन प्रहरी प्रमुख मिन बहादुर कुँवरले परिवर्तन खबरलाई जानकारी गराए ।
