०८ असार २०७५, काठमाडौं
प्रतिनिधि सभा सदस्य जीवनराम श्रेष्ठले जेष्ठ नागरिक हरि बहादुर श्रेष्ठलाई सम्मान सहित विशेष भत्ता वितरण गर्दै अभियानको सुभारम्भ गरेका छन् ।
काठमाडौ महानगरपालिका वडा नं १५ का ज्येष्ठ नागरिकलाई रु. १२ हजार भत्ता वितरण गरी शुरु गरिएको अभियानमा १६१ जना ज्येष्ठ नागरिकलाई विशेष भत्ता वितरण गरिएको छ ।
उत्त कार्यक्रममा काठमाडौ महानगरपालिका वडा नं १५ का अध्यक्ष ईश्वर मान डंगोल, कामपा वडा नं १५ का सदस्यहरु सहभागी रहेका थिए ।
प्रतिनिधि सभा सदस्य श्रेष्ठले,‘बर्तमान सरकारले ज्येष्ठ नागरिकलाई रु.१,००,०००।–(एक लाख)को बिमा गर्ने ब्यवस्था गरेको जानकारी गराउदै ज्येष्ठ नागरिक सम्मान भनेको इतिहास र राष्ट्रको सम्मान हो ।’ भनेका थिए । साथै महानगरले आफ्नो घोषणा पुरा गरेकोमा महानगरप्रनि आभार व्यक्त गरेका थिए ।
कार्यक्रममा सांसद श्रेष्ठले जेष्ठ नागरिकको योगदानलाइ कदर गर्दै नयाँ पुस्ताले पुरानो पुस्तालाई सम्मान गर्ने वातावरण सिर्जजना गर्नुपर्ने बताए । जेष्ठ नागरिकहरुले आर्जन गरेको सीप ज्ञान र अनुभवलाई राष्ट्रको बिकासमा लगाउनुपर्नेमा समेत उनको जोड रहेको थियो ।
