![](https://i0.wp.com/www.pariwartankhabar.com/wp-content/uploads/2019/10/Anmol-Kc-and-Suhana-Thapa-at-A-Mero-Hajur-3-e1601268866939.jpg?fit=720%2C432&ssl=1)
अन्ततः करिब ७ महिनादेखि रोकिएको चलचित्र ए मेरो हजुर ४ को छायांकन हिजो शनिबारबाट सुरु भएको छ । चलचित्रको छायांकन केहीसमय अघिबाटै सुरु गरिने भनिएको थियो तर सरकारले अनुमति नदिएकाले चलचित्रको छायांकन सुरु हुन सकेको थिएन ।
अब फुलपातिको दिनसम्म चलचित्रको छायांकन हुने र त्यसपछि फेरि दशैँको पूर्णिमापछि चलचित्रको छायांकन पुनः सुरु हुने निर्माण टिमले जानकारी दिएको छ । अनमोल केसी, सुहाना थापा, सलोन बस्नेत, दुर्गेश थापा लगायतका कलाकारको मुख्य भूमिका रहेको चलचित्रलाई झरना थापाले निर्देशन गरिरहेकी छिन् ।
गीत बाहेक चलचित्रको सम्पूर्ण छायांकन तिहारसम्म सक्ने निर्माण टिमको योजना रहेको छ ।