कोरोनाबाट मृत्यु हुनेको संख्या २५१ पुग्यो

काठमाडौं । देशभर कोरोनाभाइरसबाट मृत्यु हुनेको संख्या २५१ पुगेको छ । पछिल्लो २४ घण्टामा थप १२ जनाको मृत्यु भएसँगै मृतकको संख्या २५१ पुगेको हो ।

बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा.जागेश्वर गौतमले काठमाडौं र चितवनमा ३-३ जनाको मृत्यु भएको जानकारी दिए ।

काठमाडौंका मृतकमा १ महिला र २ पुरुष रहेका छन् । यस्तै चितवनमा पनि २ महिला र १ पुरुषको मृत्यु भएको छ भने ललितपुर, तनहुँ र कपिलबस्तुमा पनि १-१ महिलाको मृत्यु भएको छ । यस्तै बाराका, भक्तपुर र धादिङका १-१ गरी ३ पुरुषको मृत्यु भएको छ ।