१३ जेष्ठ २०७७, काठमाडौं
रौतहटमा थप २२ जना कोरोना संक्रमित थपिएका छन् ।
२२ जनामध्ये गौर नगरपालिकाका ७, देवाही गोनाही नगरपालिकाका १४ र राजदेवी नगरपालिकाका १ जना रहेको प्रमुख जिल्ला अधिकारी बासुदेव घिमिरेले जानकारी दिए ।
संक्रमित सबै जना सम्बन्धित नगरपलिकाको क्वारेन्टिनमा बसेका थिए । उनीहरू सबै भारतबाट आएका बताइएको छ । संक्रमितहरूलाई कुन अस्पताल लैजानेबारे छलफल चलिरहेको घिमिरले बताए ।
योसँगै नेपालमा संक्रमितको संख्या ७ सय २८ पुगेको छ । जसमा १५५ जनाले स्वास्थ्य लाभ लिइसकेका छन् भने ४ जनाले ज्यान गुमाइसकेका छन् । आजै बिहान मात्र सुर्खेतका १२ जना र बारामा पनि ५ जनामा संक्रमण पुष्टि भएको हो ।