०९ जेष्ठ २०७७, काठमाडौं
नेपालमा थप २० जनामा कोरोना संक्रमण पुष्टि भएको छ ।
शुक्रबार (आज) स्वास्थ्य तथा जनसंख्या मन्त्रालयका प्रवक्ता डा. विकास देवकोटाले दिएका जानकारीअनुसार संक्रमितहरु डडेलधुरा, बाँके, बैतडी र कैलालीका रहेका छन् ।
उनीहरु १८ देखि ६१ वर्षसम्मका पुरुषहरु रहेका पनि प्रवक्ता डा. देवकोटाले बताए । योसँगै नेपालमा संक्रमितको संख्या ५०७ पुगेको छ । जसमा ४३३ जना पुरुषहरु रहेका छन् भने ७४ जना महिला रहेका छन् ।
यसैगरी आजै नै २१ जना डिस्चार्ज भएको छन् । योसँगै डिस्चार्ज हुनेको संख्या ७० पुगेको छ । हाल नेपालको ४० जिल्लामा कोरोना संक्रमण फैलिएको छ ।
जसमा ३ जनाले कोरोना संक्रमणकै कारण मृत्यु भइसकेको छ ।