०५ जेष्ठ २०७७, काठमाडौं
काठमाडौंको कालिमाटी फलफूल तथा तरकारी बजारमा गरिएको सबैको कोरोना भाइरस परीक्षण रिपोर्ट नेगेटिभ आएको छ ।
बजार विकास समितिका प्रमुख तेजेन्द्र पौडेलका अनुसार परीक्षण भएका सबै रिपोर्ट नेगेटिभ आएको हो । जेठ १ गते झण्डै ६ सय १ जनामा आरडिटी र पीसीआर परीक्षण गरिएको थियो ।
काठमाडौँ महानगरपालिकाले कालिमाटी तरकारी बजारमा काम गर्ने व्यापारी, भरीया, सवारी चालक, सरसफाई कर्मचारीहरु सबैको कोरोना परीक्षण गरेको थियो ।
आइतबार साँझ पीसीआर टेस्टको सबै नतिजा नेगेटिभ आएको हो । परीक्षण गरिएका सबैमा टेस्ट नेगेटिभ आएपछि कालिमाटी तरकारी बजार पूर्ण रुपमा सञ्चालनमा आइरहेको कालिमाटी फलफूल तथा तरकारी बजार विकास समितिका प्रमुख तेजेन्द्र पौडेलले जानकारी दिए ।
|फाइल तस्वीर|
