०४ जेष्ठ २०७७, काठमाडौं
प्रदेश नं. १ मा आइतबार (आज) तीन जनामा कोभिड १९ (कोरोना भाइरस) संक्रमण पुष्टि भएको छ ।
विराटनगरमा दुई जना र धनकुटाका एक जनामा कोरोना देखिएको प्रदेश नं. १ का सामाजिक विकासमन्त्री जीवन घिमिरेले बताए ।
उनका अनुसार विराटनगरका २९ र ३६ वर्षका व्यक्तिमा कोरोना देखिएको छ । यस्तै धनकुटामा ३४ वर्षीय महिलामा कोरोना देखिको छ ।
योसँगै प्रदेश नं. १ मा कोरोना संक्रमितको संख्या ३९ पुगेको स्वास्थ्य तथा जनसंख्या मन्त्रालयले विज्ञप्तिमार्फत् भर्खरै जानकारी दिएको छ । तीमध्ये १७ जना उपचारपछि निको भएका छन् ।
यसैबीच तीन संक्रमित थपिएसँगै नेपालमा कोरोना संक्रमितको संख्या २९५ पुगेको छ । संक्रमितमध्ये दुई जनाको मृत्यु भएको छ भने ३६ जना निको भएर घर फर्किएका छन् ।
