२६ वैशाख २०७७, काठमाडौं
विराटनगरबाट थप ८ जना कोभिड १९ (कोरोना भाइरस) मुक्त भएर डिस्चार्ज भएका छन् ।
कोशी अस्पताल कोभिड १९ उपचार केन्द्रबाट उनीहरुलाई शुक्रबार (आज) बिहान डिस्चार्ज गरिएको हो । ८ जनामध्ये ७ जना उदयपुरका र १ जना भारतीय भएको बताइएको छ ।
कोरोना मुक्त ७ पुरुषलाई विराटनगरकै रानी मर्कट मदरसामा राख्ने तयारी गरिएको छ भने एक महिलालाई उदयपुरनै पठाउने तयारी गरिएको छ ।
यस अघि ६ जना भारतीय कोरोना मुक्त भएर डिस्चार्ज भएका थिए । योसँगै डिस्चार्ज हुनेको संख्या २८ पुगेको छ ।
|तस्वीरमा डिस्चार्ज। श्रोतः|