१३ वैशाख २०७७, काठमाडौं
नेपालमा हालसम्म १२ जना कोभिड १९ (कोरोना भाइरस) संक्रमितले स्वास्थ्य लाभ लिएका स्वास्थ्य तथा जनसंख्या मन्त्रालयले जनाएको छ ।
शनिबार (आज) नियमित कोरोना ब्रिफिङ्गमार्फत् मन्त्रालयका प्रवक्ता विकास देवकोटाले १२ जनाले स्वास्थ्य लाभ दिएको बताउँदै ३७ जना देशका विभिन्न अस्पतालहरुमा उपचाररत रहेको जानकारी दिए ।
उपचाररत सबैको स्वास्थ्य अवस्था सामान्य रहेको पनि उनले जानकारी दिए । मन्त्रालयका अनुसार नेपालमा हालसम्म ४९ जनामा कोरोना संक्रमण पुष्टि भएको थियो । जसमा १२ जनाले स्वास्थ्य लाभ लिएका हुन् ।
|तस्वीरमा मन्त्रालयका प्रवक्ता देवकोटा। सौजन्यः नेपाल टेलिभिजन|
