०९ वैशाख २०७७, काठमाडौं
उदयपुरका थप ८ जनामा कोभिड १९ (कोरोना भाइरस)को संक्रमण पाइएको छ ।
यसअघिका १३ जनासँग सम्पर्कमा आएका ८ जनामा परीक्षणका क्रममा कोरोना भाइरस संक्रमण पाइएको विराटनगरस्थित कोशी अस्पतालको प्रयोगशाला स्रोतले जनाएको छ ।
संक्रमण पाइएका ८ जनाको थप एक पटक परीक्षणका लागि धरानस्थित बिपी कोइराला स्वास्थ्य विज्ञान प्रतिष्ठान पठाइएको छ । धरानको परीक्षण रिपोर्ट आएपछि मात्र नतिजा सार्वजनिक गर्ने तयारी गरिएको छ ।
भुल्केको मस्जिदमा यसअघि फेला परेका १३ जना संक्रमितसँगको सम्पर्कमा आएका ८ जनामा कोरोना पोजेटिभ देखिएको प्रदेश एक सरकारका एक मन्त्रीले बताए ।
यसअघि संक्रमित १३ जनाको विराटनगरमा उपचार भइरहेको छ ।
|फाइल तस्वीर|
