०३ वैशाख २०७७, काठमाडौं
काठमाडौंको पेप्सिकोलास्थित सनसिटी अपार्टमेन्टमा बस्ने दुई जना कोरोना संक्रमितको ब्लकमा काम गर्ने दुई जना कामदारसहित ’ब्लक ए’ मा बस्ने सबैको र्यापिड टेस्टको नतिजा नेगेटिभ देखिएको छ ।
आज बिहान गरिएको परीक्षणमा संक्रमित बस्ने ब्लक ‘ए’ का २ सय ४२ जनाकै ¥यापिड टेस्टको नतिजा नेगेटिभ आएको हो । दुई जना कामदारको थप पिसिआर परीक्षणको लागि स्वाब पनि लिइएको छ ।
स्वाब परीक्षणको नतिजा आएपछि कामदारहरूमा कोरोना भाइरस रहेको वा नरहेको भन्ने प्रस्ट हुन्छ । गत चैत ५ गते बेलायतबाट आएका एकै परिवारका दुई सदस्य, आमा र छोरालाई कोरोना पोजेटिभ देखिएपछि सो अपार्टमेन्टमा रहेकाको आजबाट र्यापिड टेस्ट सुरू गरिएको हो ।
संक्रमित दुई जना पाटन अस्पतालको आइसोलेसनमा छन् । सोही परिवारका अर्का एक जना महिलाको पनि परीक्षण गर्दा पहिलो चरणमा रिपोर्ट नेगेटिभ आएको थियो । उनको दोस्रो चरणमा परीक्षण हुनेछ । उनी पनि अस्पतालमै छिन् ।
|तस्वीरमा सनसिटी अपार्टमेन्ट। श्रोतः|
