०९ भदौ २०७६, काठमाडौं
करिव २५ हजार जनसंख्या भएको रोल्पामा एक डाक्टरको पहुँच रहेको देखिएको छ।
जिल्लामा रहेको २ लाख २४ हजार बढी जनसंख्याका लागि १० जना मात्रै डाक्टरले सेवा दिईरहेको हो।
रोल्पा अस्पताल रेउघामा ४ जना डाक्टरहरुले सेवा दिइरहेका छन्।
यस्तै, जिल्लाका दुई प्राथमिक स्वास्थ्य केन्द्रमा ३ सहित ७ जना डाक्टरले सरकारी संस्थाबाट सेवा दिइरहेका छन्।
जिल्लामा ३ वटा निजी अस्पतालबाट ३ जना डाक्टरले सेवा दिइरहेको बताइन्छ।
१५ शय्याको रोल्पा अस्पतालमा २ जना करार र २ स्थायी गरि ४ जना डाक्टरले सेवा प्रवाह गरिरहेका छन्।
सुलिचौर प्राथमिक स्वास्थ्य केन्द्रमा २ र होलेरी प्राथमिक स्वास्थ्य केन्द्रमा १ डाक्टरले सेवा दिइरहेको जिल्ला स्वास्थ्य कार्यालय रोल्पाका सूचना अधिकारी नोखराज पोख्रेलले जानकारी दिए।
‘सदरमुकाम लिबाङ, सुलिचौर र घर्तीगाउँमा रहेका एक÷एक निजी अस्पतालहरुमा समेत डाक्टरले सेवा दिइरहेका छन्’, सूचना अधिकारी पोख्रेलले भने।