०२ श्रावण २०७६, काठमाडौं
स्वास्थ्य नै धन हो ।
स्वस्थ रहनका लागि खानपानमा निकै ध्यान दिनुपर्छ ।
प्रायः नेपालीहरुले आ–आफ्नो व्यस्ततासँगै खानपानमा त्यति ध्यान दिन सकिरहेका हुँदैनन् ।
तर, यो वाणी कदापी राम्रो मानिदैन ।
त्यसैले, व्यस्त जीवशैलीसँगै खानपानका कारण मानिसहरु अनेक रोगको शिकार बन्न पुगिरहेका हुन्छन् ।
रोग लाग्नुभन्दा लाग्न नदिनु नै बुद्धिमान मानिन्छ ।
त्यसैले,,,,
मानिस आफु स्वस्थ रहनका लागि स्वस्थकर खानपान गर्न आवश्यक हुन्छ ।
जसमध्ये एक हो–अंगुर
अंगुर पौष्टिक तत्वले भरपुर भएको कारण स्वास्थ्यको लागि निकै लाभदायिक मानिन्छ ।
अंगुरमा पोटासियम, कार्बोहाइड्रेट, प्रोटिन, भिटामिन ए, भिटामिन सी, क्याल्सियम, आइरन, भिटामिन बीसिक्स र म्याग्नेसियम प्रचुर मात्रामा पाईन्छ ।
त्यसैले, एक महिनासम्म लगातार यसको सेवन गर्नुहोस् अनि जान्नुहोस् अंगुरका अचुक फाईदाहरु :
क्यान्सरबाट बचाउँछ
अंगुरमा एन्टिक्यान्सर गुण पनि हुने भएकाले स्तनको क्यान्सर लगायतका विभिन्न रोगबाट जोगाउँछ । यसमा पाइने रेस्भेराट्रोलजस्ता पोलिफेनोल्सले क्यान्सरबाट जोगाउँछ ।
मुटुलाई स्वस्थ बनाउँछ
अंगुरमा एन्टिअक्सिडेन्टको भरपुर हुने भएकाले मुटु सम्बन्धि रोग न्यूनिकरण गर्नुको साथै मुटुलाई स्वस्थ बनाउँछ ।
पाचनक्रिया बलियो बनाउँछ
अंगुरमा इन्सोलुबल (अघुलनशील) फाइबर पाईने भएकाले पाचनतन्त्रलाई बलियो बनाउँछ । यसले पेटलाई सफा राख्नुको साथै कब्जियतको समस्या हटाउँछ ।
मृगौला स्वस्थ रहन्छ
अंगुरमा पाईने एन्थोसियानिन र रेस्पोराट्रोल नामको शक्तिशाली एन्टिअक्सिडेन्टले मृगौलामा प्रवेश गर्न सक्ने हानिकारक तत्वलाई बाहिर निकाल्छ ।
अध्ययनका अनुसार मृगौला स्वस्थ राख्नका लागि दैनिक १५ वटा अंगुर खाने गर्नुपर्छ ।
