१६ अषाढ २०७६, काठमाडौं
मनसुन सुरु भएसँगै गर्मी घट्दो क्रममा छ ।
यो मौसममा हामीले आफ्नो शरिरलाई शितलता प्रदान गर्नका लागि अनेकौ उपायहरु अपनाईरहेका हुन्छौं ।
किनभने, गर्मीको कारण पसिनाको बढी मात्रामा आउने हुन्छ ।
जत्ति धेरै पसिना आयो उत्ति धेरै त्यो व्यक्ति स्वस्थ रहन्छ भन्ने आम मानिसहरुको भनाई पनि हो ।
शरिरमा भएको बिकार समेत पसिनाकै कारण बाहिर निस्किनका साथै पसिनाले शरिरको तापक्रम समेत सन्तुलनमा राख्दछ ।
तर….
अधिकांश मानिसहरु पसिनाका कारण आफ्नो शरिर नै गनाउने भएकाले पीडित हुन्छन् ।
पसिना गन्हाउने भएको कारणले आफुसँगै बसेको साथीले पनि असहज महशुस गरिरहेको हुन्छ ।
आवश्यकताभन्दा बढी पसिनाको समस्यलाई हाईड्रोसिस भनिन्छ ।
आफ्नो शरिर कमजोर भएको बेला पनि पसिना आउने तथा थाइराइड ग्रन्थी आवश्यकताभन्दा बढी सक्रिया भएको बेला पनि पसिना आउने गर्दछ ।
जसकारण यो गमीयाममा आफ्नो शरिरलाई शितलता प्रदान गर्ने वा पसिनाबाट बच्नका लागि यो जानकारी तपाईहरुको लागि !
–पुदिना तथा कागती पानी पिउने गर्नुहोस् ।
–सफा तथा स्वच्छ पानी प्रशसता मात्रामा पिउँनुहोस् ।
–आलुबखडा, आरु, भुँइकटर, आँप, नास्पाती, केरा खरबुजा र अन्य फलफूलहरु खाने गर्नुहोस् ।
–गर्मी मौसममा पीरो तथा अमिलो खानेकुरा खाने गर्नुहोस् ।
–मौसमी तथा हरिया सागसब्जी हरेक दिन पर्याप्त मात्रामा उपभोग गर्नुहोस् ।
–यो मौसममा २ देखि ३ लिटरसम्म पानी पिउने गर्नुहोस् ।
त्यस्तै, आवश्यकताभन्दा बढी पसिना आउने, बढी तापक्रम तथा स्वस्थ व्यक्तिले ५ लिटरसम्म पिउनु पर्छ ।
साथै बढी पसिना आउने व्यक्ति नियमित नुहाउनुका साथै बढी मात्रामा फलफुल सेवन गर्ने गर्नुपर्छ ।
धेरै बेर भोकै नबस्न, मसलादार खानेकुरा कम खाने गर्नुपर्छ ।
