१२ असार २०७६, काठमाडौं
हरेक मानिस गर्भावस्थादेखि नै मानसिक तथा शारीरिक रुपमा तन्दुरुस्त हुन आवश्यक हुन्छ ।
त्यसैले, मानसिक तथा शारीरिक रुपमा स्वस्थ रहन हरेक कुराको आवश्यकता पर्दछ ।
जसमा एक हो – आयोडिन
आयोडिन स्वास्थ्यको लागि निकै फाईदाजनक मानिन्छ ।
यो एउटा खनिज पदार्थ हो ।
जसलाई हामी विभिन्न किसिमका फलफुल, तरकारी, अण्डा, गेडागुडी माछा जस्ता चीजहरुमा प्राप्ता गर्न सकिन्छ ।
गर्भावस्थामा आयोडिनको कमी हुनुहुँदैन ।
किनभने, २ वर्ष उमेरसम्म मानिसको दिमागको ८० प्रतिशत बिकास भईसकेको हुन्छ ।
आयोडिनको फाईदाको केही जानकारी तपाईहरुको लागि !
गर्भावस्था
गर्भवती महिलाले दैनिक रुपमा आयोडिनको सहि मात्राको प्रयोगले गर्भको बच्चाको मानसिक र शारीरिक विकासमा मद्दत पुग्छ।
किनभने यसको कमीले गर्भको बच्चा तुहिने, मरेको बच्चा जन्मने जस्ता समस्याहरु उत्पन्न हुन्छ ।
त्यसैले, गर्भवती महिलाले दैनिक रुपमा प्रयोग गर्नुपर्छ ।
बाल्यावस्था
बाल्यावस्थामा आयोडिनको ठिक प्रयोगले नानीहरुको मानसिक तथा शारीरिक विकासमा राहात मिल्छ ।
किशोरावस्था
किशोरावस्थामा आयोडिनको ठिक प्रयोगले पढाइका साथसाथै अन्य क्रियाकलापमा पनि सकारात्मक असर पर्दछ ।
सबै उमेर
आयोडिनको सही मात्राले शरीरका बिभिन्न अंगहरुको बिकासमा सहयोग गर्ने हुनाले यसको प्रयोगले गलगाँड तथा हाइपोथाइरोइडिजम् जस्ता समस्याहरु बाट मुक्ति मिल्छ ।
