९ असार २०७६, काठमाडौं
मानिसको पहिलो हेर्ने नजर भनेको सुन्दरता नै हो ।
त्यसैले, सुन्दर बन्न सबैलाई एकदमै मन पर्ने कुरा हो ।
समयको परिवर्तनसगै दिनप्रतिदिन वर्षायाम लागिसकेको छ ।
यो वर्षायामको समयमा आफ्नो सुन्दरतालाई जोगाउन निकै कठिनाई हुन्छ ।
त्यसैले, जुन समयसँगै आफ्नो सौन्दर्यताप्रति पनि उत्तिकै ध्यान दिन आवश्यक हुन्छ ।
आफ्नो सुन्दरतालाई यो समयमा कसरी जोगाउने भन्ने चिन्तामा हुनुहुन्छ ?
यस्तो तरिकाहरु अपनाउनुहोस्:
मोश्चराइजेशन लगाउने
वर्षायाममा पटक–पटक पानीले रुझ्दा छाला ड्राइ हुनेभएकोले आयल फ्रि मोश्चराइजर लगाउनु छालाको लागि लाभदायिक हुन्छ ।
सकेसम्म ड्राइ रहने
वर्षामा हामी ओसिलो हुने भएकाले यो समयमा इन्फेक्सनको खतरा हुन सक्छ । त्यसैले, सम्भव भएसम्म आफ्नो छालालाई ओसिलो नबनाउदा राम्रो हुन्छ ।
विशेष सरसफाईमा ध्यान पुर्याउने
बर्षाको मौसममा हात, अनुहार र खुट्टाको सफाईमा विशेष ध्यान दिन जरुरी हुन्छ र सम्भव भएसम्म दिनमा दुईपटक राम्रो फेसवासले अनुहार सफा गर्न आवश्यक हुन्छ ।
टोनिङ प्रयोग गर्नुहोस्
वर्षाको मौसममा छालाको रोम छिद्र बन्द हुने संभावना भईसकेपछि अनुहारमा मुसा, घाउ खटिरा आदि आउने सम्भावना हुन्छ । त्यसैले कुनै राम्रो एन्टि ब्याक्टेरियल टोनर प्रयोग गर्न तथा टोनरको स्थानमा गुलाब जलको पनि प्रयोग गर्दा हुन्छ ।
घामबाट बच्नुहोस्
जब,पानी परिसकेपछि धेरै चर्को घाम लाग्छ ।
त्यसैले पानी परिकसेपछिको घामबाट बच्नका लागिसन स्क्रीन क्रिम लगाउन जरुरी हुन्छ ।
जसले, घामको अल्ट्रा भाइलेट किरणबाट छालालाई राहत मिल्छ ।