०८ असार २०७६, काठमाडौं
समता अस्पतालभित्र मृत अवस्थामा फेला परेकी बिमला तमाङलाई न्याय माग्दै उनका आफन्तले आईतबार काठमाडौंस्थित गौशलामा आन्दोलित भएका छन् ।
प्रहरीले आन्दोलनको क्रममा दुईजनालाई पक्राउ गरेको हो । आन्दोलनमा उत्रिएका आफन्तहरुले प्रहरी दमन बन्द गर्न र पीडितलाई न्याय दिन माग गरेका छन् ।
गत मंगलवार अस्पतालको हाताभित्र रामेछाप दोरम्बा घर भएका बिमलालाई झुन्डिएको अवस्थामा फेला परेकी हुन् ।
त्यसपछि, विमलाका आफन्तले उनको हत्या भएको दाबी गर्दै दोषीलाई कारबाहीको माग गर्दै आएका छन्।
