२० बैशाख २०७६, काठमाडौं
हुरीबताससँगै भारी वर्षा भएपछि नवलपुरको जनजीवन प्रभावित भएको छ ।
हुरी बतासकै डरले जिल्लाका अधिकांश विद्यालय बन्द गरिएका छन् ।
कावासोतीलगायत जिल्लाका अधिकांश स्थानमा आज बिहानैदेखि हावाहुरीसँगै वर्षा भइरहेको छ ।
मौसम पूर्वानुमान शाखाका अनुसार, कावासोतीका क्षेत्रमा ११ किलोमिटर प्रतिघण्टाको दरले हावाहुरी चलेको छ ।
हावाहुरी र वर्षापछि जिल्लाका अधिकांश विद्यालयले सूचना जारी गरेर विद्यालय नआउन आग्रह गरेका छन् ।