१७ बैशाख २०७६, काठमाडौं
पाठ्यपुस्तक छपाईमा भएको त्रुटीप्रति जनक शिक्षा सामाग्री केन्द्र लिमिटेडले माफी मागेको छ । जनक शिक्षाले मंगलबार एक सूचना जारी गर्दै माफी मागेको हो ।
साथै त्रुटी हुँदाहुँदै पाठकका हातमा पुगेका पुस्तक फिर्ता गर्ने सुविधा समेत उपलब्ध गराएको छ ।
विद्यालयस्तरीय पुस्तक छाप्दै आईरहेको लिमिटेडले बिक्री वितरणका लागि बजारमा पठाईएका विभिन्न कक्षाका पुस्तकमा त्रुटी भेटिएको थियो ।
गल्ती भेटिएपछि विद्यार्थीको जीवनमाथि खेलवाड गरिएको भन्दै लिमिटेडको चर्को आलोचना भइरहेको छ । लिमिटेडले भने सजग रहँदारहँदै पनि त्रुटी भएको भन्दै माफी मागेको छ ।
लिमिटेडले त्रुटी भएका पुस्तक फिर्ता गर्नसमेत सबैलाई आग्रह गरेको छ ।
