मुख्यमन्त्रीद्वारा सडकको शिलान्यास



२२ चैत २०७५, पर्सा

प्रदेश सरकारको लगानीमा निर्माण हुन लागेको वीरगञ्जको लक्ष्मनवा र नगवार गाणेश टोलको सडक तथा नालाको प्रदेश नं २ का मुख्यमन्त्री लालबाबु राउतले आज शिलान्यास गर्नुभयो ।

सो सडक तथा नाला निर्माण सम्पन्न भएपछि वर्षायाममा डुबानको समस्या खेप्दै आएको नगरवासीलाई राहत हुनेछ । त्यस लक्ष्मनवामा निर्माण हुने सडक तथा नालाले ग्रामीण क्षेत्रलाई शहरसँग जोडनेछ ।

दुई सडकको शिलान्यास गरेपछि आयोजना भएको कार्यक्रम्मलाई सम्बोधन गर्दै मुख्यमन्त्री रावतले निर्माणकार्यमा गुणस्तरसँग कुनै सम्झौता नगरिने जानकारी दिनुभयो । उहाँले आफ्नै निर्वाचन क्षेत्रमा निर्माण भइरहेको सडक नालाको गुणस्तरबारे गुनासो आएको सम्बन्धित कार्यालय इञ्जिनीयर, कार्यालयप्र्रमुख र ठेकेदारलाई कारवाहीको दायरमा ल्याउने बताउनुभयो ।

उहाँले विकास कार्यलाई गुणस्तरीय बनाउन प्रदेश सरकारले चाँडै खरीद ऐन ल्याउने जानकारी दिनुभयो ।

वीरगञ्ज महानगरपालिका–१५ लक्ष्मनवामा रु पाँच करोड ८ लाखको लागतमा सो निर्माण कार्य हुने भएको छ ।

प्रतिक्रिया दिनुहोस्