२६ फागुन २०७५, काठमाडौं
सिद्धेश्वर साधना केन्द्रको चाहना, स्वस्थ्य जीवनको कामना भन्ने मूल नाराको साथ बूढानीलकण्ठ नगरपालिका वडा नं १० को फ्रेण्डसिप युवा क्लबको प्राङ्गणमा रक्तदान कार्यक्रम सम्पन्न भएको छ ।
सिद्धेश्वर योग साधना केन्द्रद्वारा आयोजित तथा १३ वटा संघसंस्थाको सहआयोजकमा सम्पन्न भएको थियो । रक्तदान कार्यक्रममा महिला, पुरुष र एक जना विदेशिक नागरी समेत ९० जनाले रक्तदान गरेको जानकारी योग केन्द्रकी अध्यक्ष कमलादेवी पाण्डे शिवाकोटीले जानकारी दिईन् ।
उक्त रक्तदान कार्यक्रम रगत अभावमा कसैले पनि ज्यान गुमाउनु नपरोस भन्ने उदेश्यका साथ योग केन्द्रले आयोजना गरेको जानकारी गराईएको छ ।
सिद्धेश्वर योग केन्द्र रक्तदान कार्यक्रम गर्दै आएको र आउँदा दिनमा पनि रक्तदान कार्यक्रमलाई निरन्तरता दिने केन्द्रका उपाध्यक्ष कृष्ण कुमार पोखरेलले जानकारी दिएका छन् ।
बूनपा १० का वडाध्यक्ष नवराज भट्टराईको प्रमुख आतिथ्यतामा भएको कार्यक्रममा अतिथीहरुमा पर्शुराम दाहाल, प्रकृति चिकित्सक डा क्षितिज बराकोटीकी, डा मिना बराकोटी सिद्धेश्वर योग साधना केन्द्रका कार्यसमिती, सम्रक्षक, सल्लाकार, साधक-साधिका लगायतको बाक्लो उपस्थिती रहेको थियो ।
उक्त कार्यक्रमको सभापति योग केन्दकी अध्यक्ष कमलादेवी पाण्डे शिवाकोटी तथा संचालन केन्द्रकै संरक्षक चन्द्र प्रसाद शिवाकोटीले गरेका थिए भने संयोजक योग केन्द्रकै कृष्ण कुमार पोखरेल रहेका थिए ।
