प्रधान सेनापतिद्वारा दर्ज्यानी चिन्ह प्रदान

काठमाडौं, मंसिर ९।
सरकारको निर्णयअनुसार दर्जा बढुवा भएका नेपाली सेनाका वरिष्ठ अधिकृतहरूलाई प्रधान सेनापति महारथी अशोक राज सिग्देलले आज जंगी अड्डामा आयोजित विशेष समारोहमा दर्ज्यानी चिन्ह प्रदान गरेका छन्।

मन्त्रिपरिषद्को मंसिर ५ गतेको निर्णयअनुसार उपरथी दर्जामा पदोन्नति भएका सहायक रथी कृष्ण प्रसाद भण्डारीलाई प्रधान सेनापतिले औपचारिक रूपमा उपरथी दर्जाको चिन्ह प्रदान गरे। भण्डारी जंगी अड्डामा आयोजित समारोहका मुख्य सम्मानित पदोन्नतिप्राप्त अधिकृत रहे।

सोही समारोहमा एकजनालाई सहायक रथी (महासेनानी) तथा एकजनालाई प्राविधिक प्रमुख सेनानी पदमा पदोन्नति गरिएकाहरूलाई समेत प्रधान सेनापतिले दर्ज्यानी चिन्ह प्रदान गरे।

कार्यक्रममा नेपाली सेनाका रथीवृन्द, अधिकृतहरू तथा पदोन्नति पाएका अधिकृतका परिवारजनको उल्लेखनीय उपस्थिति थियो।
समारोहले नेपाली सेनामा वरिष्ठ नेतृत्व तहमा भएको ताजा पदोन्नति प्रक्रियालाई औपचारिक मान्यता प्रदान गरेको सेना स्रोतले जनाएको छ।