हिजो बलिउडको सफल चलचित्र एमएस धोनी ः द अनटोल्ड स्टोरी रिलिजको ४ बर्ष पुरा भएको छ । एमएस धोनी मा स्वर्गीय अभिनेता सुशान्त सिंह राजपुत फिचर्ड थिए । एमएस धोनीले सुशान्तलाई नयाँ उचाईमा पुर्याइदिएको थियो ।
चलचित्र सफल मात्र भएन जसको कथामा चलचित्र बनेको थियो उनले पनि चलचित्रलाई नै निकै रुचाएका थिए । एमएस धोनी मा धोनीको जीवनको ९८ प्रतिशत कथा मिलेको धोनी स्वयमले बताएका थिए । विशेष अनुमति मागेर धोनी पढेको स्कुलमा गएर चलचित्रको छायांकन गरिएको थियो ।
तर कमैलाई थाहा होला, एमएस धोनी मा सुशान्तभन्दा पहिले अक्षय कुमार फाइनल भएका थिए । अक्षय चलचित्र गर्न निकै उत्साहित पनि थिए । तर निर्देशकले अक्षयको लुक्स धोनीसँग नमिल्ने भन्दै सुशान्तलाई रोजे । अन्ततः चलचित्र हेरेपछि धेरैले सुशान्तको कामसँगै लुक्स पनि धोनीसँग मिलेको प्रतिक्रिया दिए ।
