यतिबेला ड्रग्स केसले बलिउडमा ठूलो हंगामा मच्चाइरहेको छ । सुशान्त आत्महत्या प्रकरणमा रिया चक्रवर्ती जेल गएपछि यो केसले नयाँ मोड लिएको हो । यतिबेला एनसिबीले खोजीखोजी ड्रग्स केसमा आबद्ध सेलिब्रेटिहरुलाई सोधपुछ गरिरहेको छ ।
केहीदिन अघिमात्र दिपिका पादुकोण, श्रद्धा कपुर, साराअली खान, रकुल प्रित लगायतका नायिकाहरुलाई एनसिबीले सोधपुछ गरेको थियो । यी सबै अभिनेत्रीको फोन एनसिबीले जफत गरेको छ ।
अब यस केसमा धेरै बलिउड अभिनेताहरु पनि मुछिने सम्भावना देखिएको छ । सबै नायिकाको फोन चेक गरेपछि त्यहाँबाट पनि केही प्रमाण भेटिन सक्ने बताइएको छ । एनसिबीले तिव्र रुपमा यसको खोजी गरिरहेको छ ।
