१९ माघ २०७६, काठमाडौं
सेन्ट लरेन्स स्कूलको विज्ञान प्रदर्शनी कार्यक्रम २०७६ चमत्कारिक रुपमा भव्यताकासाथ सम्पन्न भएको छ ।
विज्ञान संकाय कक्षा ११ र १२ मा अध्यनरत विद्यार्थीहरुले १५ दिनमा विभिन्न घरायसी समस्या समाधान गर्ने तथा घरायसी प्रयोजनको लागि आवश्यक सामग्री उत्पादन गरेर प्रदर्शन गरेको संयोजक रामु खत्रीले परिवर्तन खबरलाई बताए ।
घोकन्ते विद्याले मात्र विद्यार्थीमा व्यवहारिक ज्ञान जस्तो नहुने बताउँदै संयोजक खत्रीले प्रदर्शनको आयोजना गरिएको जानकारी गराए ।
सेन्ट लरेन्सको साईन्स एण्ड आईटी क्लबमा आवद्ध हुने १६ जना विद्यार्थीले विभिन्न ३० किसिमका सामग्री उत्पादन गरेर प्रदर्शनमा राखिएको प्लस टू विज्ञानका कोअर्डीनेटर तेज तिमल्सिनाले बताए । उनले भने, ‘सेन्ट लरेन्सले २०७६ मा मात्र नभएर विगत आठ वर्षदेखि विज्ञान प्रदर्शन गर्दै आएका छौं ।’
विद्यालय भित्र र बाहिरका विद्यालयबीच प्रतिस्पर्धा गराउँदै आएको जानकारी गराउँदै विज्ञानलाई आईटी र ईन्जिनियरसँग जोड्न सके नयाँ आविष्कार पत्ता लगाउन विद्यार्थीमा थप सहयोग पुग्ने उनको भनाई छ ।
प्रदर्शनमा राखिएका विभिन्न सामग्रीहरु:
- ट्राफिक लाईट सिस्टम
- सोलार केवलकार
- बनाना पियानो
- सोलार कार मोडल
- वाटर लेभल इन्डिकेटर
- बम डिस्पोजल डिभाईस
- आधुनिक ढिकी
- ट्वाईलेट ईन्फरमेशन डिभाईस लगायतका हेर्दा सामान्य तर महत्वपूर्ण विभिन्न चामत्कारीक सामग्रीहरु प्रदर्शनमा राखिएको थियो ।
विज्ञान संकायका विद्यार्थीहरुले घरमा खेर गएका समानबाट विभिन्न जीवनोपयोगी सामग्रीहरु निर्माण गरेर प्रदर्शन गरेका हुन् । प्रदर्शनमा भ्याली भित्रका विभिन्न विद्यालयहरुले अवलोकन गरेको समेत जनाईएको छ ।
