रौतहट ३ मा स्वतन्त्र उम्मेदवार नै हावी



देशभर सत्तारुढ पाँच दलीय गठबन्धन र प्रतिपक्षी एमाले गठबन्धनबीच प्रतिस्पर्धा भइराख्दा मधेस प्रदेशको रौतहट ३ मा भने स्वतन्त्र उम्मेदवारबीच नै टक्‍कर देखिएको छ ।

राष्ट्रिय दलको मान्यता पाएका ६ मध्ये कुनै पनि दलको उम्मेदवार यहाँ छैनन् । कांग्रेस, एमाले, माओवादी केन्द्र, एकीकृत समाजवादी, जसपा, लोसपाका उम्मेदवार यो क्षेत्रमा शून्य छन् । माओवादी केन्द्रको तर्फबाट उम्मेदवारी दिएका रवीन्द्र पटेललाई पार्टीले कारबाही गरिसकेको छ ।

स्वतन्त्र उम्मेदवार प्रभू शाहलाई सत्तारुढ गठबन्धनले समर्थन गरेको छ । दुई स्वतन्त्र पूर्व मन्त्री प्रभू शाह र उद्योगपति ओमप्रकाश जैसवालबीच प्रतिस्पर्धा हुने भएपछि कुन स्वतन्त्र विजयी हुने हुन् भन्ने चासो बढेको छ । यो खबर आजको राजधानी दैनिकमा प्रकाशित छ ।

प्रतिक्रिया दिनुहोस्