अभिनेता प्रदिप खड्का बेला बेलामा विवादमा तानिइरहेका हुन्छन् । यतिबेला पनि उनी विवादमा तानिएका छन् । प्रदिपले केहीदिन अघिमात्र एक कोल्ड ड्रिक्सको विज्ञापन गर्दै सामाजिक संजालमा तस्वीर पोष्ट गरेका थिए । त्यहि कुरालाई लिएर अहिले चर्को बहस भैरहेको छ ।
सामाजिक संजालमा कोल्ड ड्रिक्सको प्रचार किन गरेको भनेर प्रश्न सोझ्याउने केही प्रयोगकर्ता छन् भने केहीले प्रदिपले विज्ञापन गर्ने वित्तिकै प्रयोग गर्नैपर्छ र भनेर उनको वचाउ पनि गरेका छन् । तर, अधिकांश प्रश्न सोध्नेहरुलाई प्रदिपले जवाफ पनि फर्काएका छन् । उनी र उनको तस्वीरमा प्रतिक्रिया दिनेहरुविच सवाल–जवाफ नै चलेको देखिन्छ ।
केही दर्शकले भने देशका जनता यस्तो समस्याबाट गुज्रिरहेको अवस्थामा सहयोग गर्न छोडेर कोल्ड ड्रिक्सको प्रचार गरेर पैसा कमाउन तल्लिन भएको भन्दै उनको आलोचना गरेका छन् । महामारीको समयमा पनि जनताको साथमा नदेखिएको भन्दै प्रदिपको आलोचना पनि भएको छ ।
यसरी आलोचना गर्ने दर्शकलाई प्रदिपले गतिलो जवाफ फर्काएका छन् । उनले सामाजिक सञ्जालमा आफ्नो आलोचकका लागि लेखेका छन्, ‘अक्षरस जाने हो भने भगवानले सहयोग गर्ने हो, भवगानलाई सहयोग आवश्यक पर्छ ? भावानात्मक रुपमा जाने हो भने आवश्यक पर्नेलाई पक्कै सहयोग गर्न पर्छ । विना प्रचार गर्दा हुन्छ कि प्रचार गरेरै गर्न पर्छ ?’
प्रदिपले अगाडि लेखेका छन्–‘आफ्नो सामथ्र्य भन्दा माथि सहयोग गर्न जरुरी छ ? कसैलाई व्यक्तिगत रुपमा सहयोग जुटाउन मैले अपिल गर्दा मद्दत बढ्छ भने म त्यो गर्छु र गरेको पनि छु । यसलाई म प्रचार भन्दा पनि माध्यमको प्रयोग मान्छु ।’
उनले पैसा माग्दै आधा खल्तीमा हालेर आधा बाढ्दै हिड्न पर्छ भन्ने कही छ भनेर पनि एक प्रश्नकर्तालाई जवाफ दिएका छन् । प्रदिपले सामाजिक काम गरेको देखाउन बन्द गर्न आवश्यक छ भन्दै जसको जे काम हो सोही कामबाट योगदान दिन आवश्यक रहेको जवाफ दिएका छन् ।
