बलिउड तथा हलिउडकी समेत चर्चित नायिका प्रियंका चोपडाले भारतमा कोरोना संक्रमण दिनहुँ बढ्दै गएपछि कोरोनाका कारण समस्यामा परेका मानिसहरुको सहयोगका लागि सहयोग कोष स्थापना गरेकी थिइन् ।
उनले, अनलाइनको माध्यमबाट सुरु गरेको यो कोषमा २२ करोड भारतीय रुपैयाँ जम्मा भएको उल्लेख गरेकी छिन् ।
प्रियंकाले सामाजिक सञ्जालमार्फत यो कुराको जानकारी दिदैँ खुसी व्यक्त गरेकी छिन् । प्रियंककाको यो अभियानमा हलिउडका गायक गायिका, कलाकारदेखि अन्य धेरै मानिसले सहयोग गरेका छन् ।
उनले लेखेकी छिन्–‘हामीले ३ मिलियन डलर अर्थात २२ करोड रुपैयाँ जम्मा गर्न सफल भएका छौ । यो रकमले ५ सय अक्सिजन कन्स्ट्रेटर र ४२२ अक्सिजन सिलिन्डर किन्न सकिन्छ । ’