चर्चित फुटबल प्लेयर क्रिस्टियानो रोनाल्डो समस्यामा पर्ने भएका छन् । केहीसमय अघि उनी आफ्नी गर्लफ्रेण्ड जर्जिना रोड्रिग्ससँग समय बिताउन पहाडमा पुगेका थिए । उनले कोरोनाको नियम उल्लंघन गरेको भएर समस्यामा पर्न सक्ने बताइएको छ ।
रोनाल्डोको एउटा भिडियो पनि सामाजिक संजालमा पोस्ट गरिएको थियो जुन पछि हटाइयो । रोनाल्डो एरिया पिडमोन्टमा बस्छन् । अहिलेको नियमअनुसार उनी आफ्नो घरबाट अर्को क्षेत्रमा जान पाउँदैन ।
उनी अत्यावश्यक काम परे मात्र बाहिर निस्कन पाउँछन् । यस्तो कडा नियम बनाउँदा बनाउँदै उनी घुम्न गएकाले पुलिसले यो मामिलामा जाँच गरिरहेको बताइएको छ । यदि प्रमाण भेटियो भने उनी कारवाहीमा पर्न सक्छन् ।
