ललिता निवास जग्गा प्रकरण : पूर्वमुख्य सचिवदेखि न्यायाधीशसम्म मुद्धामा तानिदैँ

ललिता निवास तथा त्यससँग ललिता निवास तथा त्यससँग सम्बन्धित सरकारी जग्गा हिनामिनासम्बन्धी अनुसन्धानलाई अन्तिम रुप दिएको प्रहरीको केन्द्रीय अनुसन्धान विभाग (सीआईबी) ले चार सय जनाविरुद्ध मुद्धा दर्ताको अन्तिम तयारी गरेको छ । कोभिड १९ का कारण रोकिएको अनुसन्धान प्रक्रियालाई सीआइबीले अन्तिम रुप दिएको छ । सीआईबीले दोषी देखिएकाले किर्ते र ठगीमा जिल्ला अदालत काठमाडौँमा मुद्धा दर्ता गर्ने तयारी गरेको छ । मुद्धा दर्ताको विषयमा सीआईबीले महान्यायाधिवक्ता कार्यालयसँग समन्वय गरिरहेको जनाएको छ ।

अख्तियार दुरुपयोग अनुसन्धान आयोगले १७५ जनालाई दोषी करार गर्दै विशेष अदालतमा मुद्दा दर्ता गरे पनि सीआईबीले भने ४ सय जनाभन्दा बढी दोषी देखिएको निष्कर्ष निकालेको छ । गृह मन्त्रालयबाट स्वीकृत लिएर अनुसन्धान थालेको सीआईबीले यस प्रकरणमा अनुसन्धानका लागि डेढ वर्षभन्दा लामो समय खर्च गरेको छ ।

यसअघि ललिता निवास जग्गा प्रकरणमा पूर्वमुख्य सचिव लीलामणि पौड्याललाई अख्तियार दुरुपयोग अनुसन्धान आयोगले मुद्दा चलाउन नपर्ने राय लिएको थियो । तर सीआईबीले भने पूर्वमुख्य सचिव पौड्याललाई पनि दोषी करार गरेको छ । पौड्याल तत्कालीन पूर्वप्रधानमन्त्री बाबुराम भट्टराईको पालामा मुख्य सचिव थिए । कानुनविपरीत आएको प्रस्ताव फिर्ता गर्नुपर्नेमा उनले सदर गर्र्दै सो प्रस्ताव प्रधानमन्त्री तथा मन्त्रिपरिषद् कार्यालयमा निर्णयका लागि लगेको भन्दै मुख्य दोषी रहेको सीआईबीको निष्कर्ष छ ।

आजको राजधानी दैनिकमा समाचार छ ।