२१ असार २०७७, काठमाडौं
विश्वव्यापी महामारीको रुपमा फैलिएको कोरोना भाइरसको संक्रमण एसियाली मुलुकमा सबैभन्दा बढी भारतमा देखिएको छ भने विश्वमा कोरोना संक्रमित धेरै हुने देशको सूचीमा चौथो स्थानमा रहेको छ ।
पछिल्लो २४ घण्टामा ६ सय १० जनाले ज्यान गुमाएसँगै मृत्यु हुनेको संख्या १९ हजार २ सय ७९ नाघेको छ ।
भारतमा एकैदिन अहिलेसम्मकै उच्च २४ हजार १५ जनाबढीमा संक्रमण देखिएसँगै संक्रमित हुनेको संख्या ६ लाख ७३ हजार ९ सय ४ पुगेको छ । संक्रमितमध्ये ४ लाख ९ हजार ६२ जना उपचारपछि निको भएका छन् ।
