१९ असार २०७७, काठमाडौं
विश्वव्यापी महामारीको रुपमा फैलिएको कोरोना भाइरसको संक्रमण एसियाली मुलुकमा सबैभन्दा बढी भारतमा देखिएको छ भने विश्वमा कोरोना संक्रमित धेरै हुने देशको सूचीमा चौथो स्थानमा रहेको छ ।
पछिल्लो २४ घण्टामा ३ सय ७७ जनाले ज्यान गुमाएसँगै मृत्यु हुनेको संख्या १८ हजार २ सय २५ नाघेको छ ।
भारतमा एकैदिन २१ हजार ९ सय ४८ जनाबढीमा संक्रमण देखिएसँगै संक्रमित हुनेको संख्या ६ लाख २७ हजार १ सय ६८ पुगेको छ । संक्रमितमध्ये ३ लाख ७९ हजार ९ सय २ जना संक्रमित उपचारपछि निको भएका छन् ।
