२८ चैत्र २०७६, काठमाडौं
रौतहटस्थित एक मस्जिदमा ‘लकडाउन्’को अवधिमा भीडभाड नगर्न अनुरोध गर्दा उल्टै प्रहरीमाथि नै हातपात गर्ने तीन जना पक्राउ परेका छन् ।
मुस्लिम धर्मावलम्बीहरुको पर्व सबेबारातको पूर्वसन्ध्यामा बिहीबार (हिजो)साँझ रौतहटको परोहा नगरपालिकामा रहेको तेजापाकड मस्जिदमा भीडभाड नगर्नु भनी सम्झाउन गएका असइ मुनमुन सिंहमाथि त्यहाँका केही मुस्लिम युवाहरुले हातपात गरेका थिए ।
भीड हटाउन खोज्दा प्रहरीमाथि हातपात
असई सिंहमाथि हातपात गरेको अभियोगमा मस्जिदबाट प्रहरीले ३ जना युवालाई नियन्त्रणमा लिएको छ । पक्राउ पर्नेमा परोहा नपा–३ २६ वर्षीय कलाम अन्सारी, सोही ठाँउका १७ वर्षीय साजिद अन्सारी र १६ वर्षीय आलु अन्सारी रहेको रौतहट प्रहरीले जनाएको छ ।
नेपालमा कोरोना संक्रमण देखिएसँगै सरकारले भीडभाड नगर्न आग्रह गरेको छ ।
|तस्वीरमा नमाज पढ्दै मुस्लिमहरु। फाइल तस्वीर |