२८ चैत २०७६, काठमाडौं
धौलागिरी अस्पतालमा उपचाररत बागलुङकी १९ वर्षीय कोरोना संक्रमित युवतीले गण्डकी प्रदेशका मुख्यमन्त्री पृथ्वीसुब्बा गुरुङसँग डाक्टरहरु फोनमा मात्रै कुरा गर्ने गरेको तर उपचारमा नआएको गुनासो गरेकी छन् ।
संक्रमित युवतीसँग टेलिफोन कुराकानीमा मुख्यमन्त्री गुरुङले उनलाई आश्वासन दिदै आत्मवल दह्रो बनाउन र अस्पतालमै बस्न हौसल्ला दिएका छन् । उनले झोलिलो कुरा खान तथा पटक/पटक तातोपानी पिउन सुझाव दिदै डाक्टरले उपचारमा किन नगएको भनि बुझ्ने र प्रभावकारी उपचारको व्यवस्था गर्ने आश्वासन दिएका छन् ।
बेल्जियमबाट कतार हुँदै काठमाडौंबाट बाग्लुङ पुगेपछि परीक्षणको क्रममा ती युवतीमा कोरोना संक्रमण देखिएको थियो ।