२३ चैत्र २०७६, काठमाडौं
काठमाडौं उपत्यकाबाट ‘लकडाउन्’ उल्लंघन गर्ने झण्डै १३ सय जनालाई नियन्त्रणमा लिएर प्रहरीले होल्ड गराएको छ ।
आइतबार (आज) बिहान ८ बजेसम्म उपत्यकाका तीन जिल्लाबाट ‘लकडाउन्’ उल्लंघन गर्ने १२ सय ८८ जनालाई नियन्त्रणमा लिएर होल्ड गराइएको महानगरीय प्रहरी कार्यालयले जनाएको छ ।
होल्ड गराइएकामध्ये १ हजार ४० पुरुष र २ सय ४८ जना महिला छन् । उनीहरुसँगै ६२ वटा सवारी साधनसमेत नियन्त्रणमा लिइएको प्रहरीले जनाएको छ ।
शनिबार बसेको मन्त्रिपरिषद् बैठकले ‘लकडाउन्’लाई थप कडाइ गर्ने भन्दै एक जिल्लाबाट अर्को जिल्ला र एक स्थानीय तहबाट अर्को स्थानीय तहमा जानसमेत रोक लगाएको छ ।
मुलुक विगत दुई सातादेखि ‘लकडाउन्’मा छ ।
|फाइल तस्वीर|
