२२ चैत्र २०७६, काठमाडौँ
विश्वव्यापी महामारीको रुपमा फैलिएको कोरोना भाइरसको संक्रमणबाट फ्रान्समा पछिल्लो २४ घण्टाभित्र ११ सय २० जनाले ज्यान गुमाएका छन् । यो सँगै यहाँ मृत्यु हुनेको संख्या ६ हजार ५ सय ७ पुगेको छ ।
हालसम्म कूल संक्रमितको संख्या ६४ हजार ३ सय ३८ पुगेको छ । यहाँ एकैदिन ५ हजार २ सय ३३ संक्रमित थपिएका छन् ।
संक्रमितमध्ये ६ हजार ६ सय ६२ को स्थिती गम्भीर छ भने १४ हजार ८ सय संक्रमित निको भएर घरसमेत फर्किसकेका छन् त्यस्तै ४३ हजार ८२३ उपचाररत छन् ।
