अख्तियारका आयुक्तद्वारा कोरोनाविरुद्धको राहत कोषमा १५ दिनको तलब



१५ चैत्र २०७६, काठमाडौं

कोरोना भाइरस (कोभिड–१९)को जोखिम सामना गर्न सरकारले स्थापना गरेको केन्द्रीय राहत कोषमा अख्तियार दुरुपयोग अनुसन्धान आयोगका आयुक्तहरुले १५ दिनको तलब उपलब्ध गराउने भएका छन् ।

आयोगका प्रवक्ता प्रदीपकुमार कोइरालाले शनिबार एक प्रेस विज्ञप्ति जारी गर्दै कोरोना रोकथाम, नियन्त्रण र उपचारका लागि १५ दिनको तलब राहत कोषमा सहयोग गर्ने जानकारी गराएका हुन् ।

आयोगका प्रमुख आयुक्त नवीनकुमार घिमिरे, आयुक्तहरु डा. गणेशराज जोशी र डा. सावित्री थापा गुरुङले आफ्नो १५ दिनको तलब राहत कोषमा उपलब्ध गराउने भएका हुन् ।

आयोगमा कार्यरत सचिव लगायतका कर्मचारीहरुको हकमा नेपाल सकारले गरेको निर्णय अनुसार सहयोग रकम राहत कोषमा जम्मा गरिने प्रवक्ता कोइराले बताए ।

|तस्वीरमा अख्तियार कार्यालय। फाइल तस्वीर|

प्रतिक्रिया दिनुहोस्