०७ फागुन २०७६, काठमाडौं
गुल्मीमा ६ वर्षीय बालिका बलात्कार गरेको अभियोगमा नेपाली कांग्रेसका नेता ७६ वर्षीय केशरसिह सारुलाई प्रहरीले पक्राउ गरेको छ।
जिल्लाको गुल्मीदवार गाउँपालिका वडा नम्वर–२ का क्षेत्रीय प्रतिनिधि समेत रहेका केशरसिंह सारु सोही गाउँकि ६ वर्षीया बालिकालाई बलात्कार गरेको आरोपमा पक्राउ परेका हुन्।
सारुलाई सोमबार पक्राउ गरेर जिल्ला अदालतमा जबरजस्ती करणी अभियोगको मुदा दर्ता गरिएको जिल्ला प्रहरी कार्यालय गुल्मीले जनाएको छ।
६ वर्षीया बालिकाकाअनुसार हिँजो दिउँसो घरमा कोही नभएको बेला आएर ५ रुपैयाँ पैसा दिई फकाएर बलात्कार गरेका थिए।
जबर्जस्ती करणी अभियोगको हकमा सारुलाई कारबाही हुने प्रहरीले जनाएको छ।
