१८ माघ २०७६, काठमाडौं
चीनमा कोरोना भाइरसबाट संक्रमित भएका मध्ये शुक्रबार सम्ममा २४३ जना बिरामी निको भएको चिनियाँ अधिकारीहरुले जनाएका छन्।
शुक्रबारसम्ममा कुल संक्रमित मध्ये २ सय ४३ जना ठिक भएको र ७२ जना अस्पतालबाट डिस्चार्ज भइसकेको समाचार संस्था सिन्हवाले जनाएको छ।
चीनको राष्ट्रिय स्वास्थ्य आयोग (एनएचसी) का अनुसार बिरामीको शरिरको तापक्रम सामान्य अवस्थामा आएपछि र कारोनाका लक्षण हटेसँगै उनीहरुलाई अस्पतालबाट डिस्चार्ज गरिएको हो।
नएचसीका अनुसार संक्रमित व्यक्तिको शरिरको तापक्रम कम्तिमा तीन दिनसम्म सामान्य दायरामा रहेमा र दुई पटकसम्मको न्यूक्लिक एसिड परीक्षणमा नकारात्मक परिणाम देखिएमा बिरामीलाई डिस्चार्ज गर्न सकिन्छ।
पछिल्लो अपडेट अनुसार घातक कोरानाबाट २ सय ५९ जनाको मृत्यु भएको छ। भने १३ हजार मानिसमा संक्रमण देखिएको छ।
