२२ मंसिर २०७६, काठमाडौं
नेपाल मेडिकल काउन्सिलको चिकित्सक नाम दर्ता (लाइसेन्स) परीक्षामा साढे ४५ प्रतिशत चिकित्सक उत्तीर्ण भएका छन्।
शनिबारको परीक्षामा एमबीबीएस तर्फ १ हजार २३७ जना र बीडीएस तर्फ ३९९ जना गरी कुल १ हजार ६३६ जना सहभागी भएका थिए। त्यसमध्ये एमबीबीएस तर्फ ४९ प्रतिशत र बीडीएस तर्फ ४२ प्रतिशत उत्तीर्ण भएका छन् । परीक्षामा ९ जना अनुपस्थित भएका थिए।
गत साउनको परीक्षामा एमबीबीएस तर्फ ७८ प्रतिशत र बीडीएस तर्फ ३९ प्रतिशत उत्तीर्ण भएका थिए।
यसपटक अघिल्लो परीक्षाको तुलनामा एमबीबीएसमा झण्डै २९ प्रतिशत कम उत्तीर्ण भएका छन्। तर वीडीएसमा भने ३ प्रतिशत सुधार देखिएको छ।