मृगौलापीडितलाई छ लाख ३४ हजार सहयोग



०५ मंसिर २०७७६, काठमाडौं

दुवै मृगौला फेल भई उपचार गराइरहेका कास्कीको मादी गाउँपालिका–७ थाक घर भई हाल पोखरा महानगरपालिका–१३ लामोडहरमा बस्दै आएकी २४ वर्षीया मनिषा गुरुङलाई सञ्जीवनी दिदी–बहिनी केन्द्रले रु. छ लाख ३४ हजार ३४० सहयोग गरिएको छ।

गुरुङको आर्थिक अवस्था कमजोर रहेकाले मृगौला प्रत्यारोपणका लागि सहयोग पुर्याउने उद्देश्यले केन्द्रले बुधबार सो रकम पीडितलाई प्रदान गरिएको हो। हङकङ निवासी केन्द्रका संस्थापक सदस्य कमला गुरुङको सक्रियतामा हङकङमा सङ्कलित सो रकम केन्द्रकी अध्यक्ष बिना गुरुङले मनिषा बचाऊ अभियान सहयोग समितिका अध्यक्ष इन्द्रबहादुर गुरुङलाई हस्तान्तरण गरेका थिए।

अभियानका संयोजक गुरुङले मृगौला प्रत्यारोपणका लागि रु. २० लाख खर्च लाग्ने चिकित्सकको भनाइ रहेको बताए। पीडित गुरुङले हाल हप्ताको दुईपटक डायलासिस गर्दै आएका छन्। यसअघि सहयोग समितिले दीपावलीको अवसरमा देउसीभैलोमार्फत उपचारका लागि रु. आठ लाख सङ्कलन गरेको थियो।

प्रतिक्रिया दिनुहोस्