‘लभ यु हमेशा’ को प्रदर्शन मिति घोषणा !

०२ असार २०७६, काठमाडौँ

रोमान्टिक लभस्टोरी जनरामा निर्माण भएको ‘लभ यु हमेशा’ चलचित्रको प्रदर्शन मिति घोषणा गरिएको छ ।

भारतको कालेबुङ, सिलगुडी तथा काठमाडौँमा सुटिङ भएको फिल्मको केही दृश्य सिंगापुर र फिलिपिनमा खिचिदैँछ ।

यो फिल्म आउँदो भदौ ६ गतेबाट देशभर प्रदर्शनमा आउने निश्चित भएको छ ।

निर्देशक भास्करको कथा, शिव ढकालको छायांकन,भासुको संगीत, कमल राईको कोरियोग्राफी र मिलन श्रेष्ठको सम्पादन रहेको छ ।

प्रदर्शन मिति सँगै निमार्ण टिमले सोमबार पोस्टर पनि सार्वजनिक गरेको छ । पोस्टरमा फिल्मका कलाकार यशराज गरच, ऋचा थापा र फिजा योजनालाई हाइलाइट गरिएको छ । त्यसका साथै पोस्टरमा यशराजको रोमान्टिक अवतारलाई पनि देखाईएको छ ।

धर्मा क्रिएसनको ब्यानरमा यवन गुरुङ को प्रस्तुती र मिलन गुरुङसह निर्माता रहेको फिल्ममा शिशिर राणा, गोपाल ढकाल, प्रमिला राई, सल्देन तामान्ङको पनि अभिनय रहेको छ ।