प्रियंका र निकको विवाहको फोटो सार्वजनिक, प्रियंकालाई बेहुलीको रुपमा देख्दा रोए निक

१९ मङ्सिर २०७५, काठमाडौँ

बलिउड चर्चित अभिनेत्री प्रियंका चोपडाले भर्खरै मात्र आफ्ना अमेरिकन प्रेमी निक जोनससँग भारतको जोधपुरमा लगनगाठो कसेकी छिन् । उनको विवाह दुई दिन दुई धर्मअनुसार भएको थियो । पहिले क्रिस्चियन धर्मअनुसार र अर्को दिन हिन्दु धर्मअनुसार गरी विवाह सम्पन्न भएको छ ।

उनले सामाजिक सञ्जालमा विवाहअघि गरिएका विविध कार्यक्रमका फोटोहरु सेयर गरिरहँदा उनको विवाहको फोटो हेर्न उनका फ्यानहरु निकै आतुर थिए । प्रियंकाले भर्खरै मात्र आफ्नो इन्स्टाग्राम अकाउन्टमा उनको र निकको विवाहको फोटो र एक भिडियो अपलोड गरेकी छिन् ।

विवाहमा प्रियंका र निक निकै सजिएका थिए । प्रियंका बेहुली भएर आउँदा निक निकै भावुक हुँदै रोएका रहेछन् । प्रियंकाले अफोड गरेको  भिडियोमा आफ्नी प्रेमिकालाई बेहुलीको रुपमा देख्दा निकै खुसी हुँदै निकको आखाँमा आँसु आएको देख्न सकिन्छ ।